4 ऑक्टोबरपर्यंत लेखी सूचना व हरकती पाठविण्याचे आयुक्तालयाचे आवाहन

0
हिंजवडीमधील चक्राकार वाहतुकीत अशतः बदल
प्रायोगिक तत्वावर पुन्हा एक महिना कालावधीसाठी 
हिंजवडी : हिंजवडीमधील शिवाजी चौकातील वाहतुकीची कोंडी सोडविण्यासाठी पिंपरी-चिंचवड पोलीस आयुक्तालयाच्यावतीने चक्राकार वाहतूक करण्यात आली होती. प्रायोगिक तत्वावर 15 दिवसांसाठी हा बदल करण्यात आला होता. त्या दरम्यान वाहतूक सुरळीत, सुरक्षित आणि विना अडथळा सुरू ठेवण्यासाठी नागरिकांकडून हरकती आणि सूचना मागविण्यात आल्या होत्या. त्यानुसार दिलेल्या हरकती आणि सूचनांचा विचार करीत वाहतूक विभागाने चक्राकार वाहतुकीत अंशतः बदल केले आहेत. हे बदल दि. 25 सप्टेंबर ते 24 ऑक्टोबर या कालावधीसाठी पुन्हा प्रायोगिक तत्वावर सुरु ठेवण्यात येणार आहे. यामध्ये अत्यावश्यक सेवा देणार्‍या वाहनांना वगळण्यात आले आहे. नागरिकांनी आपल्या हरकती आणि सूचना पिंपरी-चिंचवड पोलीस आयुक्तालय, ऑटो क्लस्टर, पिंपरी येथे 24 ऑक्टोबरपर्यंत लेखी स्वरूपात जमा कराव्यात, असे आवाहन वाहतूक शाखेकडून करण्यात आले आहे. नागरिकांच्या हरकती आणि सूचनांचा विचार करून अंतिम आदेश काढण्यात येणार आहे.
पुढील एक महिना असा असेल बदल
शिवाजी चौकातून डावीकडे वळून विप्रो सर्कल फेज वन येथून उजवीकडून वळून जॉमेट्रीकसर्कल चौक येथून सर्व प्रकारच्या वाहनांनी इच्छित स्थळी जावे. शिवाजी चौकातून उजवीकडे वळण्यास व यूटर्न घेण्यास सर्व प्रकारच्या वाहनास मनाई करण्यात आली आहे. शिवाजी चौकात येणार्‍या आयटी कंपन्यांच्या बसेस व इतर सर्व जड वाहनांना वाकड ब्रिजकडे जाण्यास प्रवेश बंद करण्यात आला आहे. आयटी कंपन्यांच्या बसेस व अवजड वाहनांनी शिवाजी चौकातून डावीकडे वळून कस्तुरी चौकातून उजवीकडे वळून इंडियन ऑइल चौकातून इच्छीत स्थळी जावे. यामध्ये पीएमपीएमएल बसेस, अग्निशमन दलाच्या वाहनांना वगळण्यात आले आहे. जांभूळकर जीम व शेल पेट्रोल पंपाजवळील डीव्हायडर पंक्चर हा स्थानिक नागरिकांसाठी कायमस्वरुपी खुला ठेवण्यात येणार आहे. इंडियन ऑईल पंप ते शिवाजी चौक दरम्यान असलेल्या डिमार्ट येथील डिव्हायडर पंक्चर, शिवाजी चौक ते फेज वन सर्कल येथील पाच डिव्हायडर पंक्चर फेज वन चौक ते जॉमेट्रीक सर्कल चौक दरम्यानचे सर्व डिव्हायडर पंक्चर आणि मेझा-9 चौक ते शिवाजी चौक दरम्यानचे दोन डिव्हाडर पंक्चर बंद करण्यात येत आहेत.
सर्व वाहनांना बंदी
तसेच भूमकर चौकातून शिवाजी चौकाकडे येणार्‍या सर्व प्रकारच्या वाहनांना उजवीकडे वळण्यास मनाई करण्यात येत आहे. त्या सर्व वाहनांनी शिवाजी चौकातून सरळ विप्रो सर्कल फेज -1 येथून इच्छित स्थळी जावे. माण गाव रोडवरुन विप्रो सर्कल फेज-1 चौकातून शिवाजी चौकाकडे सरळ जाण्यास प्रवेश बंद करण्यात आला आहे. त्या सर्व वाहनांनी डावीकडे वळून जॉमॅट्रीक सर्कल येथून इच्छित स्थळी जावे. मेझा-9 चौकातून सर्वप्रकारच्या वाहनांना उजवीकडे वळण्यास मनाई करण्यात आली आहे. त्या सर्व प्रकाच्या वाहनांनी डावीकडे वळून शिवाजी चौकातून इच्छित स्थळी जावे. फेज 2 व 3 कडून येणार्‍या सर्व प्रकारच्या वाहनांना जॉमेट्रीक सर्कल चौकातून येथून उजवीकडे वळण्यास मनाई करण्यात आली आहे. त्या सर्व प्रकारच्या वाहनांनी सरळ शिवाजी चौकातून इच्छित स्थळी जावे.
Copy