Private Advt

शेतकऱ्यांना तुरुंगात आणि मल्ल्या अद्यापही मोकाट – राहुल गांधी

0

मध्य प्रदेश, मुरैना : आपल्या हक्कांसाठी मोर्चा काढणाऱ्या शेतकऱ्यांवर लाठीचार्ज केला जातो. त्यांना तुरुंगात डांबलं जातं. तर ९००० कोटींचं कर्ज बुडवणाऱ्या विजय मल्ल्याविरोधात कुठलीही कारवाई होत नाही. तो अद्यापही मोकाट आहे, असं सांगत राहुल गांधींनी सरकारवर हल्लाबोल केला. दिल्लीत शेतकऱ्यांवर झालेल्या लाठीचार्जच्या मुद्द्यावरून राहुल यांनी सरकारला लक्ष्य केलं. काँग्रेस अध्यक्ष राहुल गांधी यांनी मध्य प्रदेशातील मुरैनामध्ये घेतलेल्या जाहीर सभेत केंद्रातील भाजपप्रणित एनडीए सरकारवर निशाणा साधला.राफेल विमान खरेदी व्यवहारात ३० हजार कोटी रुपये मोदी सरकारने अनिल अंबानींना दिले, असा पुनरुच्चारही राहुल गांधी यांनी केला.

काँग्रेस सरकारने मनरेगा योजनेसाठी ३५ हजार कोटी रुपयांचा निधी दिला होता. काँग्रेसने मनरेगासाठी जेवढा निधी दिला तितकाचा पैसा नीरव मोदींने चोरला, असा आरोप राहुल गांधींनी केला. तसंच पंचायत राजच्या रचनेवर भाजपने देशभरात हल्ला चढवला आहे. मध्ये प्रदेश, छत्तीसगड आणि राजस्थानमध्ये काँग्रेसची सत्ता आल्यावर आदिवासींसाठी कायदा करू, असं आश्वासन राहुल गांधींनी यावेळी दिलं.