लालबागच्या राजाच्या विसर्जनादरम्यान बुडालेल्या साईशचा मृतदेह सापडला

0

मुंबई : लालबागच्या राजाच्या विसर्जनादरम्यान बुडालेल्या साईश मर्देचा मृतदेह आज राजभवनाजवळच्या किनाऱ्यावर सापडला. लालबागचा राजाच्या विसर्जनाच्यावेळी बोट बुडाल्याचा प्रकार समोर आला होता. तेव्हापासून पाच वर्षीय साईश मर्दे बेपत्ता होता. गणेश विसर्जनाच्या दिवसापासून त्याच्या शोध सुरू होता. अखेर आज त्याचा मृतदेह सापडला.

टीशर्टवरून पटली ओळख

विसर्जनाच्या दिवशी त्यानं घातलेल्या टी-शर्टवरून त्याची ओळख पटली असून साईशला शोधण्यासाठी नेव्ही डायवर्सचीदेखील मदत घेण्यात आली. सोमवारी लालबागच्या राजाच्या विसर्जनादरम्यान बोट पाण्यात उलटली होती. त्यावेळी साईश बुडाला होता.

वजन वाढल्याने बु़डाली बोट

बोट वजन वाढल्यामुळे बुडाल्याची प्राथमिक माहिती समोर आली होती. बोटीमधले लोकं समुद्रात पडल्यानंतर लगेचच जीवन रक्षकांनी समुद्रात उड्या घेत या लोकांना वाचवलं होतं. पण सैयेश मर्दे बेपत्ता झाल्याने एकच खळबळ उडाली आहे.

Copy