फेसबुकच्या ३ कोटी युजर्सचा डेटा हॅकर्सने चोरला

0

नवी दिल्ली : केंब्रिज अॅनालिटिकाचे प्रकरण ताजे असतानाच फेसबुकच्या २ कोटी ९० लाख युजर्सचा डेटा हॅकर्सने चोरला असल्याची धक्कादायक माहिती शुक्रवारी समोर आली असून फेसबुकनेही या वृत्ताला दुजोरा दिला आहे. या प्रकरणाचा एफबीआय पुढील तपास करत आहे.

केंब्रिज अॅनालिटिका या संस्थेने फेसबुकवरील युजर्सचा डेटा चोरून त्याचा गैरवापर केल्याचा प्रकार काही महिन्यांपूर्वी उघडकीस आला होता. तेव्हा फेसबुकचा सीईओ मार्क झुकरबर्ग याने जाहीर माफीही मागितली होती. त्यानंतर काही हॅकर्सने फेसबुकच्या view as सेंटिगचा गैरवापर करत ३ कोटी युजर्सचा डेटा चोरला आहे. यातील दीड कोटी युजर्सची नाव, पत्ता अशी प्राथमिक माहिती चोरीला गेली आहे. तर १ कोटी चाळीस लाख युजर्सची फेसबुक प्रोफाइलवरची बरीच गोपनीय माहितीही चोरीला गेली आहे.लाखो युजर्सचा डेटा चोरीला गेल्यामुळे गुगलनेही गुगल प्लसही सोशल नेटवर्किंग साइट बंद करण्याचा काही दिवसांपूर्वी निर्णय घेतला. या पार्श्वभूमीवर सोशल नेटवर्किंग साइट्सवरील सामान्यांच्या डेटाच्या सुरक्षिततेवर प्रश्नचिन्ह निर्माण झालं आहे.

Copy