प.वि. पाटील विद्यालयात महात्मा गांधी व लाल बहादूरशास्त्री जयंती साजरी

0

जळगाव : के.सी.ई.सोसायटी संचालित गुरुवर्य प.वि.पाटील विद्यालय जळगाव येथे महात्मा गांधी व लाल बहादूरशास्त्री जयंती मोठ्या उत्साहात साजरी करण्यात आली. कार्यक्रमाच्या अध्यक्षा रेखा पाटील व म.गांधी यांची वेशभूषा केलेल्या गिरीष मनोज सोनवणे यांच्या हस्ते महात्मा गांधी व लाल बहादूरशास्त्री यांच्या प्रतिमेला पुष्पहार अर्पण करून कार्यक्रमाची सुरुवात करण्यात आली.

विद्यार्थ्यांनी म.गांधी व लाल बहादूर शास्त्री यांच्या जीवनाचा परिचय करून देत त्यांच्या स्मृतींना उजाळा दिला व ‘अहिंसे’चा संदेश प्रत्येकाजवळ पोहचवला. कार्यक्रमाचे सूत्रसंचालन छात्रअध्यापिका कु.देवयानी जगताप व कायनात सैय्यद यांनी केले तर आभार प्रियांका सोनार यांनी मानले. कार्यक्रमाच्या यशस्वीतेसाठी सरला पाटील ,कल्पना तायडे ,नेमीचंद झोपे, कमलेश वंजारी, दिपाली चौधरी, अशोक पाटील आदी शिक्षक शिक्षकेतर कर्मचाऱ्यांनी परिश्रम घेतले.

Copy