Private Advt

कर्ज विवंचनेत साकेगावातील शेतकर्‍याची रेल्वेखाली झोकून आत्महत्या

भुसावळ : कर्ज फेडण्याच्या विवंचनेत तालुक्यातील साकेगाव येथील शेतकरी छबीलदास शामराव कोळी (49) यांनी साकेगाव-वांजोळा मार्गावरील रेल्वे लाईनवर डाऊन दिशेने जाणार्‍या रेल्वेगाडी झोकून देत आत्महत्या केली. ही घटना सोमवार, 20 डिसेंबर रोजी रात्री उघडकीस आली.

पीक गेले वाया : वाढला कर्जाचा डोंगर
साकेगाव येथील शेतकरी छबीलदास शामराव कोळी यांनी शेती कामासाठी बँकेतून कर्ज काढले होते. अवकाळी पावसामुळे हाता-तोंडाशी आलेले पीक वाया गेल्याने डोक्यावर वाढलेला कर्जाचे डोंगरामुळे नैराश्य आल्याने कोळी यांनी दत्त मंदिरापुढे वांजोळा मार्गावर असलेल्या रेल्वेलाईनवर खांबा क्रमांक 438/27,439/1 जवळ स्वतःला रेल्वे गाडी खाली झोकून देत आत्महत्या केली. घटनेची माहिती मिळताच तालुका पोलिस ठाण्याचे सहाय्यक पोलिस निरीक्षक प्रकाश वानखडे, सहा.निरीक्षक अमोल पवार, कॉन्स्टेबल वाल्मीक कोळी यांनी घटनास्थळी धाव घेत पाहणी केली. याबाबत भूषण गणेश मराठे या रेल्वे कर्मचार्‍याने खबर दिल्याने तालुका पोलिस ठाण्यात अकस्मात मृत्यूची नोंद करण्यात आली. तपास वाल्मीक सोनवणे करीत आहेत. दरम्यान, मतय शेतकर्‍याच्या पश्चात पत्नी, आई, मुलगा, मुलगी असा परीवार आहे. ते ग्रामपंचायत सदस्य स्वप्नील सपकाळे यांचे चुलत भाऊ होत.