Private Advt

ओमायक्रॉन हा घातक नसून सौम्य आहे, असं सांगणंच धोकादायक

 

संसर्गजन्य रोग एपिडेमियोलॉजिस्ट आणि डब्ल्यूएचओच्या कोविड-१९ च्या टेक्निकल लीड मारिया व्हॅन केरखोव्ह म्हणाल्या, “ओव्हरसिम्पलीफाइड नॅरेटिव्ह धोकादायक असू शकतात. डेल्टाच्या तुलनेत ओमायक्रॉनचा हॉस्पिटलायझेशनचा धोका कमी दिसतोय. परंतु फक्त त्यामुळे ओमायक्रॉन हा एक सौम्य आजार आहे, असं म्हणणं धोकादायक आहे. कमी जोखीम असतानाही वाढती रुग्णसंख्या आश्चर्यचकित करणारी आहेत, त्यामुळे येत्या काळात रुग्णालयांमध्ये जागा मिळणार नाही. त्यामुळे सावधगिरी बाळगा,” असं आवाहन त्यांनी केलं.

 

जगभरात करोनाचे रुग्ण मोठ्या प्रमाणात वाढत आहेत. करोनाच्या ओमायक्रॉन या प्रकारामुळे संसर्ग तुलनेने झपाट्याने वाढत आहे. तर, ओमायक्रॉनचा संसर्ग वेगाने होत असला तरी त्याची लक्षणं आणि परिणाम सौम्य आहेत, असं म्हटलं जातंय. यावरच आता जागतिक आरोग्य संघटनेनं भाष्य केलंय. ओमायक्रॉन हा घातक नसून सौम्य आहे, असं सांगणंच धोकादायक असल्याचं जागतिक आरोग्य संघटनेनं म्हटलंय.